Poetry

Next Song Of Rihaa - "The Free Soul" (Bheegi In Palkon Ko Chup Chaap Rone Do).
by Visarg Mishra (Notes) on Saturday, March 23, 2013 at 1:06am.


.."In Khaamoshiyon ko yun na Khaamosh hone do,
Kuch baatein aankhon se bhi bayaan hone do.
Bezubaan hai aaj ye dil mera,
bheegi in palkon ko chup chaap rone do.



Pighale neelam sa ye sama hai,
bin tere soona sab yahan hai.
Mere dil ki bebasi ko,
pehachaanta tu ab kahan hai.

Ateet ke bhanvar me yun na tanha hone do,
tanhaayi ki chaadar me yun na tanhaa sone do.
Bezubaan hai aaj ye dil mera,
bheegi in palkon ko chup chaap rone do.



Pathareela mere khwaabon ka jahan hai,
kehta hai dil tu hi mera mehermaan hai.
Talaashta hai harr waqt tujhe,
koi khabar toh de tu kahan hai.

Samay ki sooiyon ko thoda dheema hone do,
ruki in tanhaa raahon ko musal sal hone do.
Bezubaan hai aaj ye dil mera,
bheegi in palkon ko chup chaap rone do"...


Created By : \/!$/-\rG..