.."A SILENT SCREAM BY VICTIM NAMED 'DAMINI' IN DELHI RAPE CASE"..by Visarg Mishra on Wednesday, December 19, 2012 at 11:47pm ·

.."Hai jal raha hai aaj tu,

kyun jal raha hai aaj yun?

Dhara me jo tapan uthi,

dhadhak raha hai aaj tu.




Haalaat kuch yun bann gaye,

sapne mere sehem gaye.

Zindagi mile yaa maut mujhe,

apne mere badal gaye.




Be-AAbru hui mai iss jahan me,

tassallii mili kahan tujhe yahan pe.

Bujha kar mere andar ki roshini ko,

jee paayega kya tu iss jahan pe?




Kya meri laachaari par teri mardangi shobhit hui?

mai akeli thi wahan par isliye 'Shoshita' hui.

Amaanviyataa ki seemaaye toone laangh di,

mujh besahara naari par apni veerta paar ki.





Mai 'DAMINI' hun damkungi damak kar tujh par,

mai megh si garjungi garaj kar tujh par.

Mai hridaya me rahungi logo ke,

mai ashruon si chalkungi barass kar tujh par.





Dekh Aaj ek-joot hai jahan mere liye,

na ranng ka bhed hai aur naa hi hai roop ka.

Na chaanv ki aas hai aur naa hi darr hai dhoop ka,

Haara hai tu,

haarega tu.

Jeetungi mai,

tadpega tu.




HAI JAL RAHA AAWAAM YUN,

KYUN JAL RAHA AWAAM YUN?

DHARA ME JO TAPAN UTHI,

DHADHAK RAHA AWAAM YUN"..

CREATED BY:-

\/!$/-\rG...

"... Na JaNe AaJ kYa KhAl RaHa HaI..."

...."Na jane aaj kya khal raha hai,
shayad koi adhura khwaab meri aankhon me pal raha hai..
chahat thi jiski wo mil na saka,
kyun mann me har pal wo chal raha hai.


Aye dil tu kyun rota hai,
aisa aksar hota hai,
jo tu chahta hai wo nahi milta,
aur anchaha tere hisse me hota hai.


Mat kar zikra zamaane se purane kisson ka,
ye toh hai sathi tere acche hisson ka..
dard me koi kaam na aaye,
aakhir ye kaun tujhe samjhaye.


Maine dekha hai tujhe rote hue,
jaagte hue sote hue.
jab zarurat pade toh mujhe yaad kar,
tere darr me rahunga dil se fariyaad kar.


Mayoos na ho logon ki baaton se,
inke waadon se inke iraadon se..
kar bharosa khud par,
mere sath chal uth kar.


Tod de gum ki zanjeeren,
mod de hathon ki lakeeren..
purane kisson ki mat baat kar,
jo tere laayak nahi use mat yaad kar.


Koi puraane zakhmon ko mal raha hai,
na jane aaj kya khal raha hai......."

CREATED BY:-

\/!$/-\rG...

..."KuCh KaHiN aN kAhIn BaAtEn..." by Visarg Mishra on Saturday, August 13, 2011 at 1:35am ·

...."Kuch kahi an kahi baaten yaad aayin,
dil ko aisi raaten yaad aayin,
jab neeras kitabi pannon me guzarti thi meri zindagi
aisi berang yaaden yaad aayi..

Ek roz mere dil ka darwaaza khatkhataaya,
maine socha itni raat mere dil me kaun aaya..
main bahar jhanka,
yahan wahan taaka,
tab hi ek sondhi hawa ka jhonka aaya..

Wo ek anjana ehsaas tha,
jo mere dil ke paas tha,
pyar ki dhun toh thi,
par mera toota hua saaz tha..

Gumnaam meri zindagi ko naam mil gaya,
mujh berozgaar ko ishq ka kaam mil gaya,
har dua kubool hui,
meri tanha raahon ko sath aur mukaam mil gaya..

Uske naam se mai ho gaya tha mash hoor,
sahi kaha hai kisi ne ke waqt chahe jaisa ho wo badalta hai zaroor.
dil ka dard meri aankhon me ubhar aaya,
labon me khamoshi bhi sath laaya,
bewafai kar ke bhi wo has raha tha,
kuch aisa tha uska guroor..

Aaj bhi wo dard yaad aata hai,
jo mere dil ko nichod ke chala jata hai.
chhod jata hai peeche purane zakhm,
jise phirr koi taaza kar jata hai.
dehshat hai mujhe sone se,
ankh bannd karte hi tu chala aata hai...

Na jane kyun aaj ye kahani yaad aayi,
kuch kahi an kahi baaten yaad aayin.........."


Created By:-
\/!$/-\rG...

..."kuch aise mai pali hun..." dedicated to every female of this country from my side.. Hats off to you all.. : -))

..."Kitne dard se nikli hun aise mai chali hun,
Tu poochta toh khabar hoti kaise mai pali hun..!


Baabul ke dulaar se,
Maiyya ki chitkaar se,
Bhaiyya ke khilkaar se mai pali, mai badhi hun..!


Mere sapno ko apna banaya,
Baabul ne mere aaj par apna sab kuch lutaaya,
Mujhe padhaya, likhaya iss kaabil banaya ke mai kuch kar saku, 
kureetiyon, atyaachaaron se lad saku, jeevan me aage badh saku..!


Mai koi vastu nahi vinimaya vyapaar ki,
Mai hun ek swatantra naari iss sansaar ki,
Sanskaari hun, sarva guni hun toh chup rahu kyun,
Khud par ho rahe atyaachaaron ko yun hi sahoon kyun..!

 
Aaj tooti hun, bikhari hun toh kya hua, mai kal savaroongi,
Mai naari hun koi khilona nahi mai khud ki dhaal banugi,
 mai samaaj se ladungi par teri gali dobaara na mudungi..!


Apne svaabhimaan se ladi hun kuch aise mai chali hun,
Tu poochta toh khabar hoti kaise mai pali hun"...



Created by :-

\/!$/-\rG.. (:)

...."STORY OF GIRL CHILD OF MY VILLAGE IN MY WORDS...."

            ...."Kitaabi duniya se hatkar tumhe aisi duniya me le jau,

jahan rehti hai 'amma' meri dukh uske tumko batlaau..

                 

                 'Amma' mujhse boli ke samaaj me hai 'kureetiyon' ka bol baala,

beti ko samjhe hain 'bojh' yahan, beta hota hai 'raaj-dulaara'..

                  bete ko dete hain seekh ke tum aise na ban na,

beti ka jeevan seemit hai ghar, choukhat aur angna..

                  'Shikshaa' ki khaatir bete ko karte hain school me bharti,

beti sambhale choolha, chauka chaahe garmi ho ya sardi..

                  'Amma' mujhse boli ke tum sheher walon ka kya yahi hota hai 'nyaaye' (Justice),

jeevan kat raha abhaav me beti ka chaahe jitni bhi ho 'aaye' (Income)..

                   Bitiya boli amma isme mera kya hai 'dosh'(Fault)..?

mujhe deti ho gaaliyan aur bete ko milta hai 'raaj-kosh'..

                   Meri 'vyaah' umar paas aa gayi,

amma kya mai kisi ko 'raas 'aa gayi..?

                   kahan hai mera 'sasuraal'..?

kitna manga hai mere badle 'maal(dahej)'..?

                   Amma boli bitiya se tu to hai hi 'paraya dhan',

jab tak rahegi ghar me tab tak 'vyaakul' hoga mann..

                   

                   Bitiya boli 'amma mohi paida hi kyun keejo'..?

'he prabhu!! mohi agle janam bitiyaa na keejo'.............." :'(

CREATED BY-:

                       \/!$/-\rG |\/|!$Hr/-\....